Qarasaasiat atorlugit paasissutissiisarneq
Naatsorsueqqissaartarfiup avammut atassuteqarnera qarasaasiatigut pinerusarpoq. Qarasaasiakkut paasissutissiisarneq akikinneruvoq, sukkanerulluni aammalu tigusisartut assigiinngitsut pisariaqartitaat naapertorlugit allanngortikkuminarluni.
Nittartakkami tusagassiuutinut nalunaarutit, saqqummersitat, immikkut saqqummersitat, ukiumoortumik kisitsisitigut paasissutissat aamma kisitsisaataasivik ataatsimoortillugit takuneqarsinnaanerat neqeroorutigineqarpoq. Nittartagaq danskisuujuneruvoq kalaallisuujunerullunilu, immikkoortulli pingaarnerit tuluttut nutserneqarnikuupput.
Nittartagaq Kisitsisaataasivillu qarasaasiatigut aqutsissutit nutaanerpaat atorlugit serverinut nutaanut aasami 2015-imi nuunneqarput. Naatsorsueqqissaartarfiup Namminersorlutik Oqartussat ilusilersueriaasaat nalinginnaasoq atorpaat, kisianni qarasaasiakkut saqqummiussiissutit pineqartillugit allaaneruvoq, tassa Naatsorsueqqissaartarfik akuersissutisisarnermut 2016-imi aningaasartuutaaruttussaammat.
Allagaqartup immersugassat immersuissutillu, Danmarks Statistikki ikiortiseralugu pilersitat, iluaqusiullugit nittartagaq nammineerluni Microsoft Office-mit atortut atorlugit suliarisarpai, nittartakkamut ikkunnissaanut piareerlugit. Immersuissutit PDF-itut html-itullu Nittartakkap saqqummiunnissaanut piareersaataasarput. Saqqummiussat html-imi saqqummersinneqarsinnaanera isumaqarpoq nittartagaq qisuariarsinnaasuusoq, tassa qarasaasianit, mobiilinit, tabletsinillu atuarneqarsinnaasoq.
Aamma Ukiumoortumik Kisitsisitigut Paasissutissanut assigiinngitsut taakku marluk toqqammavigalugit atorneqarsimapput, tassani innersuussissut ilanngunnagu. Naatsorsueqqissaartarfik atuisut nammineerlutik danskisut kalaallisulluunniit Ukiumoortumik Kisitsisitigut Paasissutissaliornissaannut 2014-ip aasaaneranili neqerooruteqarpoq. Tassa kapitalit sorliit atuisut Ukiumoortumik Kisitsisitigut Paasissutissaatigissanerlugit nammineq aalajangissavaat. Kapitalit ukiup ingerlanerani nutarterneqartassapput, nammineq pigisassatut Ukiumoortumik Kisitsisitigut Paasissutissaatigisani kapitalit imarisai nutaanerpaasuaannassallutik.
Takussutissiaq 2. Nammineq pigisassatut Ukiumoortumik Kisitsisitigut Paasissutissanit Kapitalit aaneqarsimasut amerlassusaat sammisat malillugit agguakkat
|
2015 |
2016 |
||
|
amerlassusaat |
Pct.-inngorlugu |
amerlassusaatl |
Pct.-inngorlugu |
Katillugit |
2.753 |
100 |
3.142 |
100 |
01 Naalakkersuinermi aqutsinermilu pissutsit |
105 |
3,8 |
129 |
4,1 |
02 Nunalerutit, silap pissusaa aamma pinngortitaq |
247 |
9,0 |
268 |
8,5 |
03 Innuttaasut |
213 |
7,7 |
218 |
6,9 |
04 Ineqarneq |
108 |
3,9 |
95 |
3,0 |
05 Inuussutissarsiutit aaqqissussaanerat |
143 |
5,2 |
167 |
5,3 |
06 Suliffeqarnermi pissutsit |
134 |
4,9 |
169 |
5,4 |
07 Aalisarneq, piniarneq nunalerinerlu |
206 |
7,5 |
192 |
6,1 |
08 Assartuineq angallassinerlu, takornariaqarneq attaveqaqatigiinnerlu |
124 |
4,5 |
133 |
4,2 |
09 Nukissiorneq |
112 |
4,1 |
116 |
3,7 |
10 Nuna tamakkerlugu naatsorsuutit |
137 |
5,0 |
155 |
4,9 |
11 Akiliisarnerup naligiissinnera aamma nunanut allanut niuerneq |
113 |
4,1 |
140 |
4,5 |
12 Pisortat aningaasaqanerat |
133 |
4,8 |
183 |
5,8 |
13 Isertitat, atuineq akillu |
154 |
5,6 |
126 |
4,0 |
14 Aningaasaanik aningaasaatinillu niuerneq |
78 |
2,8 |
111 |
3,5 |
15 Atualernissaq sioqqullugu paaqqinnittarfiit meeqqallu atuarfii |
84 |
3,1 |
139 |
4,4 |
16 Ilinniartitaaneq |
86 |
3,1 |
113 |
3,6 |
17 Ilisimatusarneq |
139 |
5,0 |
169 |
5,4 |
18 Isumaginninnermut peqqissutsimullu tunngasut |
166 |
6,0 |
174 |
5,5 |
19 Politiit, eqqartuussisoqarneq illersornissamullu tunngasut |
103 |
3,7 |
89 |
2,8 |
20 Kultureqarneq, qaammarsaaneq ilageeqarnerlu |
69 |
2,5 |
119 |
3,8 |
21 Aatsitassat |
99 |
3,6 |
137 |
4,4 |
Atuakkat aaneqarsimasut amerlassusaat |
929 |
|
1.053 |
|
Atuakkanmi ataatsimi kapitalit amerlassusaat |
3,0 |
|
3,0 |
|
Ukiut tamaasa Ukiumoortumik kisitsisitigut paasissutissat 1.000-it missaat nittartakkamut aaneqartarput. Nammineq pigisassatut Ukiumoortumik Kisitsisitigut Paasissutissat pilersinneqarsimasut katillugit 1.053-usuni agguaqatigiissillugit kapitalit 3,0-it 2016-imi qinerneqarsimapput. Innuttaasunut Aalisarnermut Isumaginninnermilu pissutsinut tunngasut kapitalit kapitalinit allanit qinerneqarnerulaarput.
Kisitsisaataasiviup programmia aasami 2015-imi nutaanerpaamut nutartigaavoq. Tassunga atatillugu tabelit filinut arlalinnut oqaasilinnut allanngortinneqarput, taamaasillutik tabelit tamarmik kalaallisut, danskisut tuluttullu pissarsiarineqarsinnaanngorlutik.
Siornatigut Naatsorsueqqissaartarfiup Kisitsisaataasivimmik atuisut kisissinnaasimanngilai. Kisianni nutartikkamut nuunnermi susassaqarfiit aaneqartarneri immikkoortiterlugit tamarmik kisinneqarsinnaanngorput.
Takussutissiaq 3. Kisitsisaasivimmit 2016-imi aaneqartut amerlassusaat
Tabelit Kisitsisaasivimmit 2016-imi aaneqartut amerlassusaat |
Katillugit |
Katillugit ....... |
54.203 |
Suliffeqarnermi pissutsit ......... |
5.583 |
Innuttaasut ...... |
20.103 |
Ineqarneq ....... |
502 |
Nukissiuuteqarneq . |
720 |
Inuussutissarsiorneq ........... |
825 |
Aalisarneq piniarnerlu ........... |
5.162 |
Isertitat ......... |
3.458 |
Aningaasaqarnikkut pissutsit ..... |
744 |
Nuna tamakkerlugu naatsorsuutit .. |
339 |
Pisortat aningaasaataat ......... |
1.656 |
Akit ............ |
1.727 |
Isumaginninnermut tunngasut .... |
1.004 |
Ukiumoortumik kisitsisitigut paasissutissat .... |
224 |
Peqqissutsimut tunngasut ....... |
1.112 |
Tupa imigassarlu aalakoornartulik .. |
1.333 |
Takornariaqarneq . |
748 |
Ilinniartitaaneq .... |
4.109 |
Nunanik allanik niueqateqarneq ... |
3.066 |
Saqqummersitat
Kalaallit Nunaanni Naatsorsueqqissaartarfimmit saqqummersinneqartartut tamarmik akeqanngillat nittartakkamiillu aaneqarsinnaallutik. Sulinissamut pilersaarut malillugu Naatsorsueqqissaartarfiup Ukiumoortumik Kisitsisitigut Paasissutissat ilanngunnagit 2016-imi 99-inik saqqummiussaqarpoq. Taakkunani 84 procentii piffissaq eqqorlugu 2016-imi saqqummersinneqarput 2015-imilu 94 procentiullutik. Piffissamik eqquilluni saqqummiussisarneq ukiup siuliani saqqummiussisarnerup assiginngilaa, tamanna ilaatigut saqqummersittakkat amerlerujussuarsimaneranik pissuteqarpoq.
Takussutissiaq 4. Piffissaq eqqorlugu 2013-imit 2016-imut saqqummiussisarneq
|
Saqummersitat amerlassuaat* |
|||
|
2013 |
2014 |
2015 |
2016** |
Piffissaq eqqorlugu saqqummertut ........ |
46 |
51 |
66 |
84 |
Sap. ak. angullugu kinguaattoorlutik saqqummertut ........................ |
0 |
0 |
2 |
2 |
Qaammat ataaseq angullugu kinguaattoorlutik saqqummertut ........................ |
2 |
3 |
1 |
7 |
Qaammat ataaseq sinnerlugu kinguaattoorlutik saqqummertut ........................ |
3 |
1 |
1 |
5 |
Ukiup tullianut kinguartinneqartut taamaatiinnarneqartulluunniit ............ |
2 |
1 |
0 |
1 |
Katillugit |
53 |
56 |
70 |
99 |
*Kisitsit Takussutissiaq 1-imit allaanerusinnaapput saqqummersitat nutaat peerneqarsimasulluunniit pissutigalugit.
2016-imi saqqummersinneqartussaagaluartoq Inuusuttut ilinniarnerat suliffeqarnerallu 2017-imut kinguartinneqarpoq aamma saqqummersinneqartut Timmisartumik angalasut tamarmik pilersaarutaasumit kingusinnerusukkut saqqummersinneqarput. Saqqummiussinissamik kinguartitsinerit takussutissiami takuneqarsinnaapput.
Kisitsisaataasivik
Saqqummersitanut atatillugu paasissutissat immikkoortiterluagaanerusut Kisitsisaataasivimmi tabelini arlalinni nassaassaapput. Naatsorsueqqissaartarfiup nittartagaa aqqutigalugu imaluunniit http://bank. stat.gl toqqaannartumik iserfigalugu kisitsisaataasivimmut isertoqarsinnaavoq. Kisitsisaataasivimmik atuisut tabelit assigiinngitsut 263-it 2016-ip naanerani qinersinnaavaat ukiup siuliani tabelit 220-upput. Amerlanerusunik ikinnerusunilluunniit tabeliuteqarnissaq imminermini siunnerfiunngilaq, tabelit immikkoortiternerisa atuisut periarfissaannut aalajangiisuusarneri pissutigalugit.
Kisitsisaataasivimmi kisitsisaatigineqartut aaneqarsinnaapput atuisullu namminneq programiutaanni imaluunniit periarfissat allat kisitsisaataasiviup atuisunut quppersagaaniittut atorlugit suliarineqarsinnaapput.
Unnuk kulturisiorfik aamma oqalugiartarnerit
Kalaallit Nunaanni Naatsorsueqqissaartarfik Nuummi Unnuk Kulturisiorfimmut suliffeqarfiup atuuffianut pisortatigut qaammarsaanermik siunertaqartumik januaarimi arfininngornermi kingullermi pisumut 2016-imi peqataaqqippoq. Aaqqissuussaq ilimmarfimmi ingerlanneqarpoq.
Aasaanerani SIK-ip aaqqissugaanut Qassimiuaarnermut Naatsorsueqqissaartarfik peqataavoq.
Kommunini teknikkimut immikkoortortaqarfinnisulisut, Inatsisartunut ilaasortat, ilinniarnertuunngorniarfinni ilinniartitsisut, Niuernermi Ilinniarfimmi ilinniartut aamma Ilisimatusarfimmi ilinniartut kisitsisaataasivimmik atuinissamut 2016-imi pikkorissartinneqarput.
Kalaallit Nunaanni Naatsorsueqqissaartarfik 2014-imi Facebookimi atuisunngorpoq. Atuisunngornerup siunertarivaa Kalaallit Nunaanni Naatsorsueqqissaartarfimmit nutaarsiassat inunnut amerlanerusunut apuuttarnissaat. 2017-imi apriilimi Facebookimi 861-inik malinnaasoqarpoq 2015-ip naanerani 640-nik malinnaasoqartoq.
API
Kisitsisaataasivimmi paasissutissat API-nngorlugit (application programming interface) pissarsiassaapput. Paasissutissat Kisitsisaataasivimmeersut aaneqarsinnaapput programminilu atoqqinneqarsinnaallutik, soorlu mobiilini appini, nittartakkani saqqummiissutini aalajangersimasuni allanilu. Takornariaqarnermut kisitsisitigut paasissutissat www.tourismstat.gl-imiittut Visit Greenlandip atortagai Kisitsisaataasivik nutarteraangat ingerlaannaq aaneqartarput.
Kalaallit Nunaanni Naatsorsueqqissaartarfiup assilersukkanik saqqummiussinissamut periarfissat nammineerluni atortarsimavai. Taassuma saniatigut programkode nittartakkamut atorneqartartoq Naatsorsueqqissaartarfiup avataaniittunut soqutiginnittunut akeqanngitsumik pissarsiassanngortinneqarnikuuvoq.
Nunani avannarlerni kisitsisitigut paasissutissiisartut ataatsimeersuarnerat
Ukiut pingasukkaarlugit Nunani avannarlerni kisitsisitigut paasissutissiisartut ataatsimeersuartarput. 2016-imi tamaani Stockholmimi pisoq Kalaallit Nunaannit tallimanit peqataaffigineqarpoq. Ataatsimeersuarneq iluatsillugu Kalaallit Nunaat piareesaavoq nunat mikinerit/inukinnerit (Island, Kalaallit Nunaat, Savalimmiut aamma Åland) siullermeertumik ataatsimeeqatigiinnissaanik. Nunat mikinerit/inukinnerit ataatsimiinneranni Kalaallit Nunaani Naatsorsueqqissaartarfik nuna tamakkerlugu naatsorsuutit immikkut pingaarnerutillugit saqqummiunneqarpoq.